السلام عليكم ورحمة الله وبركاته
إلا متى أتحمل ذنوب غيري = وأصير بعيون البشر ميت أحساس
وإلا متى بعيون غيري تصيري = مظلومة وقلبك رهيفٍ وحساس
خلاص أنا قررت أحسم مصيري = ودي أعيش بدنيتي مثل هالناس
أهم شي إني أريح ضميري = حتى ولو أخسرك عادي ولا باس
منتي كفو قلبي ولا صيد طيري= خسارتك مكسب ومكسبك إفلاس
روحي وخليني بشري وخيري = ماعادلك في دنيتي اليوم مجلاس
مايلتقي سيرك على خط سيري= دامك سمعتي بي عذولٍ ودساس
كفي دموعك لا تهلي العبيري= ماينفعك والراس وقّع بها الفاس
ولا ترتجي قلبي فقلبي شويري= والله لأجزه لو عصاني من الساس
يحرم عليك توردي الماء في ييري= والله لو أن عروقك الخضر يباس
وإن كان قصدك تخضعي الراس طيري = عجزوا طوال اشناب ما وطوا الراس
من بعد ما كنتي شهيقي وزفيري = صرتي على صدري جبل يقطع أنفاس
ومن بعد ما كنتي زهوري وعبيري= أصبحتي شوك ٍ حدها حد الأمواس
كنتي لي الفيّة وصرتي هجيري = كنتي لي أفراحٍ وصرتي لي أتعاس
وش جلسك للحين يابنت سيري = مالك أمل في رجعتي أقطعي الياس
تجبري وأرجي العوض وأستخيري= ويمكن تلاقي شخص غيري من الناس
بس آتحدى لو تلاقين غيري= يحمل ربع ما أحمله من حب وإحساس
عجبتني وحبيت أنقلها لكم ولا أعرف من قايلها
وإلا متى بعيون غيري تصيري = مظلومة وقلبك رهيفٍ وحساس
خلاص أنا قررت أحسم مصيري = ودي أعيش بدنيتي مثل هالناس
أهم شي إني أريح ضميري = حتى ولو أخسرك عادي ولا باس
منتي كفو قلبي ولا صيد طيري= خسارتك مكسب ومكسبك إفلاس
روحي وخليني بشري وخيري = ماعادلك في دنيتي اليوم مجلاس
مايلتقي سيرك على خط سيري= دامك سمعتي بي عذولٍ ودساس
كفي دموعك لا تهلي العبيري= ماينفعك والراس وقّع بها الفاس
ولا ترتجي قلبي فقلبي شويري= والله لأجزه لو عصاني من الساس
يحرم عليك توردي الماء في ييري= والله لو أن عروقك الخضر يباس
وإن كان قصدك تخضعي الراس طيري = عجزوا طوال اشناب ما وطوا الراس
من بعد ما كنتي شهيقي وزفيري = صرتي على صدري جبل يقطع أنفاس
ومن بعد ما كنتي زهوري وعبيري= أصبحتي شوك ٍ حدها حد الأمواس
كنتي لي الفيّة وصرتي هجيري = كنتي لي أفراحٍ وصرتي لي أتعاس
وش جلسك للحين يابنت سيري = مالك أمل في رجعتي أقطعي الياس
تجبري وأرجي العوض وأستخيري= ويمكن تلاقي شخص غيري من الناس
بس آتحدى لو تلاقين غيري= يحمل ربع ما أحمله من حب وإحساس
عجبتني وحبيت أنقلها لكم ولا أعرف من قايلها









تعليق