إعـــــــلان

تقليص
لا يوجد إعلان حتى الآن.

المشكلة ليست في حذائي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • المشكلة ليست في حذائي



    المشكلة ليست في حذائي
    المهشد الأول
    تدخل وفاء على سمير وتجده يكتب قصيدة ويضحك معجبا بما كتب
    وفاء:خير ليش هيك شايفتك كتير مبسوط اليوم
    ياسر:والله يا وفاء هلأ كتبت قصيدة بكرة بدي القيا بالحفلة اللي عاملتا الشركة على شرف السيد الوزير
    وفاء:ومن ايمتى كنت تكتب شعر
    ياسر:يه من زمان بس انا ما كنت عبقول لحدى
    لأني كنت منتظر الفرصة المناسبة والحمد الله اجتني الفرصة على أجريها
    وفاء:ها وشلون بقى
    ياسر:لك موقلتلك انو بكرة في حفلة على شرف
    الوزير بقى المدير العام طلب منا نحن موظفينوا
    انو اللي بيعرف يكتب شعر يكتب قصيدة مشان
    يلقيا قدام سيادتوا وطبعا متل ما بتعرفي اكيد بدو
    يكون هونيك تلفزيون عما يصور وصحافة بقى
    شو بدي اكتر من هيك فرصة تجيني لحتى
    اشتهر ولعلمك انا بكتب شعر غنائي يعني غدين
    انشالله اذا اشتهرت ما راح نلحق على طلبات مطربين
    ومطربات وانشالله حالتنا كلا بدا تتحسن
    وفاء:من تمك لبواب السما هات لشوف اقرالي القصيدة

    ياسر:ها شو رأيك
    وفاء:يعني ما شاي حالا حلوة
    ياسر:حلوة وبس تضربي اذا بتفهمي بهيك شغلات اصلا
    بكرة التاريخ بدو يسجل انك اول وحدة سمعتي قصيدة
    مني وراح يعملوا معك شي مية مقابلة بالتلفزيون والصحافة بفضلي انا وفني
    وفاء:طيب خلص دخليك لا تعصب خيو انت قصيدتك خيلة وما في متلا
    ياسر:اي ها هادا كلام بينحكى لأنو الشاعر منا اهم شي
    يلقى التشجيع من اللي حواليه مشان يبدع اكتر واكتر
    فاء: اي وعد مني من اليوم ورايح اني اهريك تشجيع
    ياسر:يالله خلينا هلأ انام مشان بركة افيق صحيان على الحفلة
    (__________________في الحلم________________)
    المشهد الثاني في المهرجان
    المقدم:اما اللأن سيادة الوزير ايها السيدات والسادة
    الأفاضل نترككم مع شاعر مصنعنا ياسر ابو ريش
    ياسر: مرحبا جميعا وبرحب بسيادة الوزير وهلأ
    اسمحولي قول قصيدتي ياللي هي بعنوان المشكلة
    ليست في حذائي(تصفيق)
    ياسر:
    المشكلة ليست في حذائي
    امتلأت الدنيا بالسواد
    وزاد ظلم العباد للعباد
    وأن مدّت للخير بعض الأيادي
    عادت وسحبت تلك الأيادي

    صدقوني لا أدري ما المشكلة
    يبدو أن المشكلة في حذائي

    أناس يعيشون في موت دائم
    تقتلهم الصقور والحمائم
    والعالم بأسره نائم
    لا يحرك أي ساكن

    صدقوني لا أدري ما المشكلة
    يبدو أن المشكلة في حذائي

    واذ ا جرح إصبع للعدو الغاشم
    ثار الجميع وأفاق النيام
    فكيف يجرئ حجرٌ
    على جرح صاروخ
    للحق والبر حامل
    فصار المظلوم هو الغاشم
    وحلل للعدو سفك الدماء
    بحيث لا تقعه عليه لومة لائم

    صدقوني لا أدري ما المشكلة
    يبدو أن المشكلة في حذائي

    حوربت أساليب الفداء
    لا بل وقوبلت بالهجاء
    وبعد أن كان هي الدواء
    صارت هي أشّر داء

    صدقوني لا أدري ما المشكلة
    يبدو أن المشكلة في حذائي

    متى كان السلاح يصنع من الدواء
    متى كانت القنابل تصنع من الغذاء
    فالأشياء التي خلقت لعيش بها البشر
    صارت طرقا لمحاصرة البشر

    صدقوني لا أدري ما المشكلة
    يبدو أن المشكلة في حذائي

    (وها أنا قد خلعت حذائي
    لكن المشكلة لم تحل
    فيبدو أن المشكلة
    ليست في حذائي )
    واثناء قوله للمقطع الأخير(الذي بين قوسين)
    يخلع حذائه ويرفعه امام الجميع فيصفقون له ما عدا الوزير
    والمدير الذي اغتاظا منه

    المشهد الثالث
    المدير:لك شلون هيك بتعمل هالعملة
    ياسر:ليش شو عملت استاذ
    المدير: ولسا عب تسأل شو عملت لك شلون بترفع
    صباتك بوش الوزير
    ياسر:انا مارفعتوا بوشو انا بس انا كان لازم اعمل
    هيك لأنو القصيدة هيك بقتضي يعني معقول اقول وها
    انا قد خلعت حذائي واضل لابسو ايه ما لا معنى ابدا
    وانا ما كان قصدي ارفع صباتي بوش الوزير شو مين
    انا لحتى استرجي اعمل هيك عملة
    المدير:ما المهم شو كانت نيتك بس الوزير فهما متل ما قلتلك
    بعدين تعى لهون انا قلتلك تكتب قصيدة عن حب الوطن
    عن التطور الصناعي الموجود بمعملنا مو قصيدة بستنكر
    فيا الوضع العربي ايه شو مين مفكر حالك الجواهري
    يعني بدك تصير وطني على قفاي
    ياسر:بس يا استاذ انا في النهاية شاعر وشعري بيعبر عن مشاعري
    المدير:ايه مرحبا مشاعرك بتعرف انو بسببك تحولنا على التحقيق اتنيناتنا
    ياسر:تحقيق وليش التحقيق بقى
    المدير:ليش ما بتعرف انو كانت فيه وكالات انباء عربية
    عبتصور المهرجان نقلوا كل شي لبلادون اصلا انا الحق
    علي اني بست ايدون لحتى يجوا قال يعني بعمل دعاية
    لمؤسستنا في البلاد العربية والله كانت ساعة ناقصة
    والله لما خطرلي خليك تكتب القصيدة لأ والمصيبةاني
    انجريت انا معك بالموضوع قال لأنو كان لازم اقرا
    القصيدة قبل ما خليك تقراها انا الحق علي لأني وثقت فيك
    ياسر:على العموم اسف استاذ انا اللي ورطتك بهال
    الشغلة وصدقني راح اتحمل كامل المسؤولية واطلعك برات الموضوع
    المدير:ايه ابوس ايدك لأنو متل ما بتعرف انا عندي كوم لحم لازم ربيون
    ياسر:طيب ايمتى التحقيق
    المدير:بكرة الساعة 7 المساء
    ياسر:والتحقيق راح يصير بالمديرية ما
    المدير:اي مديرية حبيبي التحقيق عند التبعون الدبل او سفن
    ياسر:دبل او سفن شغلتنا كبيرة كتير لكان
    المدير:اي شو كنت عبقلك صرلي ساعتين
    ياسر:الله يسترنا

    المشهد الرابع في البيت
    ياسر:ايه شو رأيك بعد اللي سمعتي
    وفاء:بدك رأي وبدون زعل
    ياسر:ايه ماراح ازعل منك
    وفاء:انت يا حبيبي واحد مجنون ومتهور لك
    يا بني قادم ممكن تقلي سبب واحد خلاك تعمل هيك
    عملة معقول انو واحد بعمرك ما يحسب شو النتيجة
    اللي ممكن تترتب على عملتوا
    ياسر:ايه والله ما كنت بوعي ساعتا كان اخدني الجو
    بعدين بيني وبينك انا كنت مقرر قبل ما روح على المهرجان
    اعملي شغلة غريبة يعني قلت لحالي اذا عملت هيك شغلة بشتهر
    بسرعة الصاروخ
    وفاء:قلتلي صاروخ باينتك رح ينخرب يتك بسرعة الصاروخ كمان
    ياسر:افففففففف ما بعرف شو بدي قلك يالله

  • #2
    رد: المشكلة ليست في حذائي

    اسمح لي ابدي اعجابي بقلمك وتميزك واسلوبك الراقي وتالقك و مشاهدك .. الحلوة جداً و الهادفة

    تحياتي

    أخو / لهلوبة
    {{ سُبحَانَكَ اللَهُمَ وَ بِحَمْدِكَ ، أَشْهَــدُ أَنْ لاَ إِلــه إِلاَ أنــْتَ ،أسْتَغْفِرُكَ ,َ وَ أَتُوبُ إِلَيْكَ }}

    تعليق


    • #3
      رد: المشكلة ليست في حذائي

      قلم متالق وقصة جميلة
      شكرا لكي على هذه القصة
      تقبلي مروري

      تعليق


      • #4
        رد: المشكلة ليست في حذائي

        الاخ العزيز من اين اتيت بهذا النص فانا فعلا متفاجئ..لانه نصي وارسلته لاحدى شركات الانتاج

        تعليق

        يعمل...
        X